Saturday, July 22, 2006

sakay ng huling tren, pauwi sa pinanggalingan
umupo at sumandal, handang kalimutan ang kapaligiran
sa tulong ng musikang bumubulong sa aking tenga

pumikit, handang umidlip at ipahinga ang isip
ngunit iba ang dinidikta ng aking mga mata
nais nitong manatiling dilat at magmasid

si lolo sa aking tabi, hindi na nakapaghintay
madaling natalo ang katawan sa kapagurang nararamdaman
hindi ininda ang sasakit na katawan dahil sa pagkakahiga sa upuan

si manong na matagal nakatayo, nakahanap ng mauupuan
paglapat ng puwet sa upuan, pagtagpo ng likod sa sandalan
nalasap ang panandaliang kaginhawaan

pasimple akong sumilip sa kaliwa
inayos ang upo at nagnakaw ng tingin sa aking likuran
mga mukhang hapo at lugmok na katawan aking nasaksihan

sa mga matang singkit na lalong naninigkit
mamasid ang kanilang pananabik sa tahanang uuwian
sa lambot ng kamang hintay ng kanilang katawan

0 Comments:

blogger templates | Make Money Online